Banjarmasin, Jukung.co.id — Semarak peringatan HUT ke-81 Kemerdekaan Republik Indonesia berlangsung meriah di Graha YN’S Center, Jalan Perdagangan, Kompleks HKSN, Kecamatan Banjarmasin Utara, baisukan Senin (17/08/2026).
Beragam perlombaan nang sebelumnya digelar secara bertahap di tingkat kelurahan wan kecamatan, mencapai babak final di Graha YN’S Center.
Kegiatan ini melibatkan masyarakat matan sabarataan wilayah Banjarmasin. Rangkaian perlombaan telah berlangsung sejak awal Agustus, dengan pelaksanaan saban akhir pekan di 52 kelurahan.
Peserta nang berhasil menjadi nang terbaik di tingkat kelurahan kemudian melanjutkan kompetisi di tingkat kecamatan, hingga akhirnya bertemu pada babak final di Graha YN’S Center.
Founder YN’S Center, Yuni Abdi Nur Sulaiman, memadahakan kegiatan tersebut bukan sekadar ajang mencari pemenang.
Menurutnya, Semarak Kemerdekaan menjadi ruang gasan mempertemukan masyarakat sekaligus memperkuat tali silaturahmi.
“Alhamdulillah hari ini bertepatan dengan 17 Agustus kita merayakan HUT Kemerdekaan RI. Kita saling bersilaturahmi, mengadakan final-final lomba,” ujarnya.
Yuni Abdi Nur Sulaiman menyebut kebersamaan menjadi salah satu pesan penting nang handak dibangun melalui kegiatan tersebut.
Momentum kemerdekaan, menjadi kesempatan mensyukuri kesehatan wan kesempatan nang diberikan sehingga masyarakat dapat berkumpul dalam suasana penuh kegembiraan.
“Selain silaturahmi, kita bersyukur lantaran sudah diberikan kesehatan, panjang umur. Tentunya gasan keharmonisan wan kebersamaan harus dijalin lawan tali silaturahmi. Jangan sampai putus,” ucapnya.
Berbagai perlombaan disiapkan gasan peserta dewasa maupun kakanakan.
Gasan kategori dewasa, lomba nang dipertandingkan di antaranya catur, domino, kepala rangsang kait kawat, kursi parlemen, sarung estafet gasan babinian, serta gelapung estafet gasan lalakian.
Sementara kategori kakanakan diisi lomba kepala rangsang kait kawat gasan umur 10 hingga 15 tahun wan lomba memasukkan banyu ke dalam botol gasan peserta maksimal baumur 10 tahun.
Suasana semakin semarak lawan adanya hadiah gasan buhan pemenang serta doorprize gasan peserta wan masyarakat nang hadir.
Hadiah nang disiapkan cukup beragam, mulai dari telepon seluler, paket ziarah Wali Songo, hingga hadiah umrah.
Ketua Panitia Lomba Semarak Kemerdekaan YN’S Center, Niffari Wafa Firdaus, memadahakan sabarataan rangkaian kegiatan berjalan sesuai rencana.
“Lomba pada hari ini dalam rangka Semarak Kemerdekaan 2026 nang diselenggarakan YN’S Center. Alhamdulillah sudah terlaksana,” ujarnya.
Menurut Niffari Wafa Firdaus, tingginya keterlibatan masyarakat terlihat sejak perlombaan dimulai matan tingkat kelurahan hingga kecamatan.
“Alhamdulillah tadi acara lancar, dihadiri mulai tingkat kelurahan hingga kecamatan wan puncaknya di sini di YN’S Center,” jelasnya.
Ia berharap kegiatan tersebut dapat terus menjadi ruang pertemuan masyarakat, sekaligus memperkuat rasa kebersamaan dalam momentum peringatan kemerdekaan.
Selain perlombaan wan hiburan, kegiatan ini jua menjadi wadah silaturahmi antara YN’S Center, Kerukunan Keluarga Bakumpai atau KKB, wan DPD Partai Golkar Kota Banjarmasin.
Rangkaian kegiatan nang dimulai matan tingkat lingkungan hingga babak final ini menunjukkan bila semangat kemerdekaan kada hanya dirayakan melalui seremoni.
Masyarakat jua dapat mengisinya lawan kegiatan nang menghadirkan kegembiraan, kompetisi sehat, wan kebersamaan.
YN’S Center berharap semarak peringatan HUT ke-81 Kemerdekaan RI tersebut kada berhenti pada momentum 17 Agustus.
Lebih dari itu, semangat kebersamaan wan silaturahmi nang terbangun diharapkan terus terjaga di tengah masyarakat Banjarmasin. (HNG/JCI).
