Banjarmasin, Jukung.co.id — Warga nang badiam di bantaran Sungai Martapura, Banjarmasin, mulai merasakan perubahan kualitas banyu sungai dalam hampir dua pekan terakhir. Banyu nang biasanya digunakan gasan kebutuhan sehari-hari wayahini terasa payau bahkan masin, seiring menurunnya debit sungai akibat musim kemarau.
Kondisi tersebut dirasakan warga di kawasan Jalan Teluk Tiram, Kecamatan Banjarmasin Barat, baisukan Jumat (21/08/2026).
Irma salah saurang warga mengaku banyu sungai di sekitar permukiman mulai terasa masin beberapa hari terakhir.
Meski kualitas banyu berubah, sebagian warga memanfaatkan banyu sungai gasan kebutuhan mandi, batatapas, wan kakus.
Perubahan kondisi banyu Sungai Martapura jua menjadi perhatian PT Air Minum Bandarmasih, khususnya dalam proses pengolahan banyu baku.
Di Intake Sungai Bilu, salah satu sumber banyu baku PT Air Minum Bandarmasih, kadar uyah terpantau mencapai 1.233 PPM atau miligram per liter. Sementara ketinggian banyu sungai berada di angka 2 meter 76 sentimeter.
Direktur Utama PT Air Minum Bandarmasih, Zulbadi, mengatakan kadar uyah di atas 1.000 PPM mulai terdeteksi sekitar pukul tiga dini hari, wayah kondisi sungai mulai surut.
Menurutnya, meningkatnya kadar uyah berkaitan dengan masuknya banyu laut ke aliran sungai wayah debit banyu tawar menurun. Kondisi tersebut membuat pengelolaan banyu baku membutuhkan langkah antisipasi agar produksi banyu tetap berjalan.
Gasan menghadapi tingginya kadar uyah, PAM Bandarmasih mengurangi operasional pompa di IPA 1. Wayah ini, hanya sabuah pompa nang dioperasikan.
Banyu baku matan Sungai Bilu kemudian dicampur lawan banyu matan IPA 1 gasan membantu menurunkan kadar uyah sebelum diproses lebih lanjut, sehingga banyu hasil pengolahan tetap memenuhi batas nang ditetapkan dalam ketentuan kesehatan.
Di tengah kondisi darurat banyu baku, PAM Bandarmasih mengimbau masyarakat menggunakan banyu secara bijak. Warga jua diminta menyiapkan wadah penampungan banyu, mulai ember, baskom hingga tandon, sebagai langkah antisipasi apabila distribusi banyu kada maksimal.
Gasan masyarakat nang membutuhkan pasokan banyu namun balum terjangkau jaringan perpipaan, PAM Bandarmasih menyiapkan layanan distribusi menggunakan mobil tangki.
PAM Bandarmasih memastikan upaya produksi wan distribusi banyu akan terus dimaksimalkan selawas kondisi musim kemarau masih berlangsung.
Langkah tersebut dilakukan supaya kebutuhan banyu barasih masyarakat Banjarmasin tetap terpenuhi, meski kondisi sumber banyu baku masih menghadapi tingginya kadar uyah. (HNG/JCI).
Jangan Kada Ingat Picik Link Video Ini : https://youtu.be/NEOx3A7ihvs
